PAPDA

Plateforme Haïtienne de Plaidoyer pour un Développement Alternatif

   


Home - Démocratie participative - Crises politiques

Kolektif Mobilizasyon pou Dedomaje Viktim Kolera yo

Pozisyon Kolektif la sou debakman tèt kale MINISTA fè nan Fakilte Syanszimèn

Lendi 18 jen 2012

Posté le 19 juin 2012 par

Se ak anpil kòlè, kè kase ak endiyasyon, Kolektif Mobilizasyon pou Dedomaje Viktim Kolera yo aprann debakman tèt kale, gwo ponyèt MINISTA fè nan Fakilte Syanszimèn, jou ki te vandredi 15 jen ki sot pase a. Yon lòt fwa ankò, MINISTA kontinye montre tout moun ki pat vle kwè l, li se yon fòs okipasyon ak represyon. Kidonk, zafè konstitisyon, lalwa ak dwa pou pa vyole espas inivèsite a, se pawòl tafya pou MINISTA.

Apre divès zak represyon, kadejak MINISTA ap fè sou pèp la, ak kolera li lage pou touye moun nan kat kwen peyi a, fòs okipasyon an montre li pa deside fè bak sou zak gwo ponyèt li yo. Sèlman nan epidemi kolera a, MINISTA deja touye plis pase 7 mil moun epi kontamine plis pase 500 mil lòt. Entèvansyon gwo ponyèt Syanzimèn nan fèt nan yon moman kote pouvwa anplas la ap voye MINISTA al fè represyon sou popilasyon k ap reklame dwa yo nan sous Matla ak nan zòn Fwontyè a. N ap raple se pa premye fwa MINISTA fè debakman tèt kale, gwo ponyèt sa yo andedan inivèsite a.

-  Nan dat 20 janvye 2009, jou prestasyon sèman prezidan ameriken an, sòlda MINISTA kolera yo debake nan ENARTS kote yo maspinen etidyan /atis DON Camelo

-  21 janvye 2009, yon jou apre, sòlda kolera yo debake nan Lekòl Nòmal Siperyè, kote yo maspinen Etidyan Jean Willy Belfleur, ki se yon manm UNNOH

-  Nan dat 24 me 2010, MINISTA debake an gwo ponyèt nan Fakilte Etnoloji, yo arete epi maltrete etidyan Frantz Mathieu Junior

-  Jou vandredi 15 jen 2012 la, se jou pa Fakilte Syanzimèn kote sòlda MINISTA debake vin agrese ak gwo zam lou, etidyan, pwofesè ak lòt moun ki t ap travay nan fakilte a

Ki lòt enstitisyon MINISTA pral atake demen ? Eske se palman an ? Eske se medya yo ? Eske se òganizasyon dwa moun yo ? Eske n ap chita tann MINISTA rive sou nou ? Pou pita pa pi tris, li lè li tan pou nou leve kanpe. Nou paka kontinye rete gade MINISTA k ap imilye nou, agrese nou epi touye nou swa ak represyon oubyen kolera. Li lè li tan pou nou montre nou gen diyite. Si pouvwa egzekitif la, boujwazi a ak palmantè yo ki nan tete lang ak MINISTA, pa gen ase diyite pou voye MINISTA ale, noumem k ap viktim anba MINISTA, nou dwe ranmase karaktè nou, pou nou voye fòs okipasyon an al fè wout li. Konsa, zansèt nou yo, anpatikilye, Desalin, Boukman, Sesil Fatima, Katrin Flon, Chalmay Peral ak Benwa Batravil, ap kontan wè gen fanm ak gason vanyan ki gen fyete ki ranmase diyite yo pou kontinye travay yo te kòmanse a. Se nan sans sa a, Kolektif la ap kontinye pran inisyativ epi kore tout mouvman leve kanpe ki dwe fèt nan jou k ap vini yo, pou anpeche dirijan konze yo renouvle manda MINISTA nan mwa oktòb k ap vini la a. Pa gen okenn lwa ni konstitisyon ki ka anpeche MINISTA kontinye imilye nou. Se sèl yon leve kanpe klas domine yo ak pwogresis konsekan ki ka voye MINISTA ale.

Viv yon Ayiti granmoun !

Aba MINISTA ! Aba okipasyon !

Aba tout kolon nwa ak kolon blan !

Pou Kolektif la :

Jean Willy Belfleur

James Beltis

Siméon Wisly



 

American Curios (La Jornada)

Posté le 26 août 2014 par PAPDA

Cuba, un modèle selon l’Organisation mondiale de la santé

Posté le 7 août 2014 par PAPDA

Plan National de Régularisation des Etrangers en RD : Les autorités haïtiennes doivent agir en toute urgence Spécial

Posté le 16 juin 2014 par PAPDA

Exécution de l’arrêté d’expropriation du centre-ville de Port-au-Prince : position des organisations de droits humains

Posté le 12 juin 2014 par PAPDA

ZunZuneo avait bien pour but d’envoyer des messages à contenu politique

Posté le 14 avril 2014 par PAPDA

Le Sénat des États-Unis ouvre une enquête sur ZunZuneo, le « twitter » cubain

Posté le 14 avril 2014 par PAPDA

Enjeux de l’accord d’El Rancho

Posté le 24 mars 2014 par PAPDA

DECLARACIÓN POR LA AUTONOMÍA, LA CULTURA, LA DEMOCRATIZACIÓN Y LOS DERECHOS DEL PUEBLO LENCA DE OPALACA.

Posté le 3 mars 2014 par PAPDA

Ayiti : katastwòf 12 janvye 2010, 4 lane aprè, anyen pa chanje pou majorite Pèp Ayisyen an nan zafè lojman.

Posté le 3 mars 2014 par PAPDA

Pour ou contre le dialogue Haïti-République dominicaine

Posté le 3 mars 2014 par PAPDA

 
 
 

Tous droits réservés © PAPDA 2005

URL ancien site (archives): www.rehred-haiti.net/membres/papda/ancien

Site réalisé par la PAPDA

Utilisation de SPIP, logiciel libre distribué sous license GPL

Hébergement chez Alternatives Canada


Enhance your browsing experience: Get Firefox