PAPDA

Plateforme Haïtienne de Plaidoyer pour un Développement Alternatif

   


Home - Intégration Alternative - Désoccupation / Démilitarisation

NÒT POU LAPRÈS : Okipasyon peyi d Ayiti

Posté le 8 juillet 2009 par Ceco

Pòtoprens, premye jiyè 2009

Soti 15 pou rive 26 jen, yon delegasyon ki te genyen ladan li : Didier Dominique ( Batay Ouvriye ), Carole Pierre-Paul Jacob (Solidarite Fanm Ayisyen - SOFA), Frantz Dupuche (Platfòm Ayisyen Pledwaye pou yon Devlopman Altènatif - PAPDA) te ale nan peyi Brezil, nan kad yon toune ki te genyen kòm objektif : denonse sitiyasyon okipasyon peyi d Ayiti ap sibi anba fòs militè l ONU yo ak kòmandman peyi Brezil e egzije depa fòs okipasyon sila yo. Envitasyon pou reyalize toune sa a, se Kowòdinasyon Nasyonal Lit (Conlutas an pòtigè) ki te fè nou jwenn li, ansanm ak Jubileo Sur ki te patisipe nan miz sou pye jeneral la.


Premye pati nan toune a reyalize nan kapital la, Brasilia, kote delegasyon nou an te rankontre ak Komisarya atache a l ONU nan Ministè Afe Etranjè, Komisyon Relasyon Eksteryè nan Sena a, ansanm ak diferan Depite ak manm Chanm Reprezantan Kolektivite Teritoryal yo. Dezyèm pati a te fèt nan diferan lòt vil tankou, pi espesifikman : São Paulo, Río de Janeiro, Santos, San José dos Campos, Minas Gerais, Campinas, Bello Horizonte, San Luis, Salvador da Bahia, Recife, Natal, Fortaleza, Belém, Porto Alegre, Santa Cruz.

Nan vil sa yo, diferan manm delegasyon an rankontre ak divès sendika afilye ak Conlutas, tankou sila petwòl yo, metalijik yo (otomobil ak pyès machin), chimik, sila ki fè kondwi gaz yo, anseyan, travayè lasante, travayè nan inivèsite, elatriye... Sou yon lòt bò, sèten rankont fèt tou nan milye inivèsitè a ak etidyan yo (patikilyèman sa fakilte dwa, syans imenn, lèt ak filozofi yo) ; pandan dòt te fèt ak mouvman Nwa yo ; e, dòt ankò, louvè pou popilasyon an an jeneral, nan kad yon inite otou kesyon dezokipasyon Ayiti a ki te genyen ladan l Mouvman San Tè yo (MST), Santral Inik Brezil (CUT) ak, pafwa, patisipasyon manm Pati Travayè (PT) a menm ki pa dakò ak politik okipasyon Lula a.

Nan diferan kad sa yo, endistenkteman, nou fè resòti ilejitimite fòs okipasyon MINUSTAH yo, mistifikasyon yo pote kòmkwa se ta yon misyon “imanitè”, “zanmi”, ki vin “ede” pèp ayisyen an, britalite ak absans moral yo. Kouman, nan verite kesyon an, se nan objektif enplantasyon / konsolidasyon yon lespwatasyon san limit yo vini e ap fonksyone, nan kad yon pwojè deklare, kote mendèv yo fin rann pi bon mache a (nan detwi yo fin konsyaman detwi pwodiksyon nasyonal la e antrene migrasyon ak chomaj pa posib nou konnen an) se avantaj boujwa ak miltinasyonal tekstil enpeyalis yo ki, kounye a, nan fen etap sa a yo fòse fèt la, ap jwe, jounen jodi a, sou mistifikasyon “bay travay” la, pou “rezoud chomaj”, kòmkwa se ta de papa bon kè yo ta vin tounen toudenkou.

Kouman tout krim yo fè sou popilasyon an nan fen 2005 rive 2006, nan Site Solèy, Solino, Pele... t ap trase chimen sa a ; kote represyon brital e sanginè avril 2008 yo nan kad soulèvman kont grangou klowòks la vin ap klarifye vre objektif misyon an ki se kraze tout mobilizasyon popilè e kouman, jounen jodi a, represyon-laterè sou manifestan k ap revandike yon salè mizè 200 goud fin fè tout mask tonbe. Vreman vre, se kesyon kle kapitalis la ki an je, se kè rapò kapital / travay la ki an kesyon : salè a, lespwatasyon an. Kouman, nan peyi isit, sou kesyon sa a, se yon lespwatasyon san limit yo soti pou tabli e kouman, anfas rezistans ki natirèlman kanpe a, se yon represyon sanginè, bestyal ki parèt, kote ata nan lopital - nan matènite ( !!!) - yo voye gaz lakrimojèn, ata nan lantèman y ap touye yon moun !

Nan menm kad sa a, nou pa t manke denonse ekzaksyon fòs okipasyon / dominasyon MINUSTAH yo, kote ekspilsyon 108 solda Sri Lanka pandan ane 2008 la se te youn nan pwent malveyans yo sou fanm ak tifi peyi d Ayiti, pandan pwostitisyon fòse, vyòl, vòl, entimidasyon ak imilyasyon jeneral, se chaj toulejou popilasyon an ap sibi. A menm tan tou, sou yon bò, nou t ap fè resòti yon lòt koperasyon posib (tankou sa Venezyela ak Kiba a, pa egzanp) epi, sou yon lòt bò, fè konnen kouman titèl la ap kontinye vanse, nan nonmen l ONU nonmen ansyen prezidan Clinton pou “ede regle lakesyon Ayiti” !

Sètènman, nou rete sou wòl popetwèl aktif gouvènman Preval / Pyè lwi a ap jwe nan tou sa, wòl ki ale jouk felisite MINUSTAH apre represyon sistematik li yo oswa bay vag menm lè yo koupe tèt yon travayè ayisyen sou plas piblik nan Repiblik Dominiken ! Sètènman, nou dekri tou wòl tout sousou, kolaboratè tout plim tout plimay ki pèmèt sitiyasyon okipasyon an fèt e rive la e ki, jounen jodi a, ale jouk kriminalize rezistans la, tank pou yo ta denonse e batay pou bloke pwojè sanginè ki lakòz tout soufrans ak lawont pèp ayisyen an ap pase jounen jodi a.

Tout kote nou pase, yon kokennchenn SOLIDARITE akonpaye nou e sèten mekanism konkrè pou pote mobilizasyon sa a pi lwen ap mete sou pye. An total te gen piplis pase 4 mil moun ki te patisipe ak nou nan diferan aktivite yo, pami militan pi angaje yo, ki pral fè pawòl la mache e solidarite a kontinye jèmen. Sou yon lòt bò, nan rankont ak enstitisyon brezilyen yo, devan evidans ki t ap parèt yo e move wòl gouvènman yo a, yo te pran konsyan mistifikasyon ki ap deplwaye a e, patikilyèman, Komisyon Relasyon Eksteryè Sena a deside voye yon delegasyon an Ayiti pou verifye wòl ak aksyon MINUSTAH a, an patikilye sila militè brezilyen yo. Natirèlman, malgre boykòt laprès, toune a te gen eko nan sèten medya. Pandan yo fè nou konnen solda brezilyen ki tounen yo, se laterè y ap simaye nan “favelas” (katye pòv) Río, São Paulo, Porto Alegre... jounen jodi a. Vreman vre, se antrene yo te voye yo antrene nan peyi d Ayiti. Kidonk, piplis pase yon solidarite, se yon “lit komen” kont menm lènmi a ki alòdijou, kote, nan kad presi okipasyon ki sou do nou an, mobilizasyon nan peyi d Ayiti a, se li ki rete prensipal.

Didier Dominique (Batay Ouvriye)

Carole Pierre-Paul Jacob (SOFA)

Frantz Dupuche (PAPDA)

Pòtoprens premye jiyè 2009

PDF - 72.7 ko
PDF Not pou laprès 1 jiyè 2009


 

Note de presse de la PAPDA sur la MINUSTAH et les déclarations de Mme Sandra HONORÉ

Posté le 19 septembre 2014 par Ricot Jean Pierre

Ayiti, 99 lane aprè, fòs okipasyon an toujou la. Ayisyen patriyòt an n ranmase fòs nou pou n reprann dwa granmoun peyi a.

Posté le 28 juillet 2014 par

Deklarasyon nan okazyon Dizan (10 lane) prezans MINISTA nan peyi a

Posté le 9 juin 2014 par PAPDA

Les troupes de la MINUSTAH hors d’Haïti ! 2004-2014 : 10 ans Ça suffit !

Posté le 9 juin 2014 par PAPDA

NAN OKAZYON JOUNEN LATINOAMERIKEN LIBÈTE LAPRÈS, 7 JEN 2014, PATI KAN PÈP LA MANDE POU CONATEL REVOKE LISANS RADYO MINUSTAH FM

Posté le 9 juin 2014 par PAPDA

Declaración Rio de Janiero

Posté le 26 octobre 2013 par

la pire crainte de l’Occident

Posté le 18 juillet 2013 par PAPDA

Un balance nefasto

Posté le 3 juin 2013 par

Carta abierta al Gobierno de Chile para la retirada de sus tropas a la MINUSTAH

Posté le 3 juin 2013 par PAPDA

DE LA MINUSTAH DE HAITÍ.

Posté le 3 juin 2013 par PAPDA

 

IV Foro Social Américas : Declaración de la Asamblea Movimientos Sociales

Posté le 18 août 2010

PAPDA participates in public hearing on Haïti organised by the Congressional Black Caucus

Posté le 29 juillet 2010

Nouvelle publication PAPDA : Les politiques publiques en Haïti

Posté le 23 juillet 2010

La solidarité Caribéenne avec Haïti.

Posté le 23 juin 2010

Lettre ouverte au président français Nicolas Sarkozy

Posté le 17 juin 2010

Mobilisation contre le don mortel de Monsanto au Ministère de l’agriculture Haïtien

Posté le 2 juin 2010

« Il faut rompre avec la dynamique de la dépendance »

Posté le 2 juin 2010

Declaraciòn final de la Cumbre de los Puebles Enlazando Alternativas IV

Posté le 21 mai 2010

Emergency Food Production in Haiti : Getting it Right

Posté le 30 avril 2010

Intervention du Député européen Kader Arif sur les Accords de Partenariat Économiques

Posté le 8 avril 2010

 
 

Tous droits réservés © PAPDA 2005

URL ancien site (archives): www.rehred-haiti.net/membres/papda/ancien

Site réalisé par la PAPDA

Utilisation de SPIP, logiciel libre distribué sous license GPL

Hébergement chez Alternatives Canada


Enhance your browsing experience: Get Firefox